සුදු කිටියා යි, ලේන් අප්පු යි.
ඔන්න ඉස්සර සුදු කිටියා යි ලේන් අප්පු යි උන්නේ සිඟිති බබාලගෙ ගෙදර.
මේ දෙන්න හොදම යාලුවෝ. කෑවේ බිව්වේ, සෙල්ලම් කලේ, ගමන් ගියේ එකට.
දවසක්දා සුදු කිටියා ලේන් අප්පො ට කතා කළා.
"අපි දෙන්නා ටිකක් ඇවිදලා එමුද?" සුදු කිටියා ඇහුවා.
"හම් යමු" ලේන් අප්පු කිව්වා.
වෙල්යාය න් මැදින්, දොල පාරවල් පසුකරමින් රස කතා කියමින් දෙන්නා දිගටම ඇවිදගෙන ගියා.
ඔහොම යනකොට අතර මගදි හමුවෙන පුංචි කුරුමිණියන් පුංචි පුංචි මැස්සන් සුදු කිටියා ගේ ගොදුරු බවට පත් උනා.
අව්වත් තදින්ම පායලා දැන් දෙන්නටම හොඳටම මහන්සියි ලේන් අප්පු ට නම් බඩිගිනිත් දැනුනා.
"අපි ගෙදර යමුද?" ලේන් අප්පු ඇහුවා.
"යමු" සුදු කිටියා කිව්වා.
දෙන්නම ගෙදර යද්දි සිඟිති බබා කිරි හදලා තිබුණා. ලේන් අප්පු ඈත තියාම කිරි භාජනය දැක්කා.
බඩගිනි වෙලා හිටපු ලේන් අප්පු සුදු කිටියා වත් දාලා කිරි භාජනේ ළඟට දුවල ගියා.
සුදු කිටියා ව දාලා ගිය නිසා සුදු කිටියා ට හොඳටම කේන්ති ගියා.
"මම එනකල් ඉන්න" සුදු කිටියා කේන්තියෙන් කිව්වා.
බඩගිනි වෙලා හිටපු ලේන් අප්පු කිරි එක බීගෙන බීගෙන ගියා.
හොඳටම කේන්තියෙන් හිටපු සුදු කිටියා දත් විලිස්සගෙන නියපොතු දික් කරගෙන ලේන් අප්පු ලඟට කඩා පැන්නා.
ලේන් අප්පු හොඳටෝම බය වුණා. සුදු කිටියා ගෙ උල් නියපොතු වැදිලා ලේන් අප්පු ගේ පිට සීරිලා ගියා.
එදා ඉඳලා ලේන් අප්පුලා කිටියන්ට බයයි. කිටියෝ ලේන් අප්පුලා එක්ක හොඳටෝම තරහයි. සුදු කිටියා එදා සීරුව පාර ලේන් අප්පුලාගේ පිටේ තවමත් තියෙනවා.
No comments:
Post a Comment